रास्वपा अधिवेशन : कुन जिल्लामा सभापति को ?

शनिबार र आइतबार गरी ६० बढी जिल्लाको अधिवेशन सकिने रास्वपाका नेताहरूले बताएका छन् । प्रदेश अधिवेशनअघि नयाँ नेतृत्व चयन हुन नसकेका जिल्लामा महाधिवेशनपछि अधिवेशन गरिने जनाइएको छ ।

२४ जेठ, काठमाडौं । राष्ट्रिय स्वतन्त्र पार्टी (रास्वपा) ले कोशी प्रदेशका १४ मध्ये ८ जिल्ला अधिवेशन शनिबार सम्पन्न गर्‍यो । सुनसरीमा सागर दाहाल, झापामा ओम भण्डारी, ताप्लेजुङमा राजनकुमार गुरुङ, मोरङमा भरत कँडेल, तेह्रथुममा सुमन खत्री, भोजपुरमा ख्यामबहादुर भुजेल, संखुवासभामा भक्तनारायण श्रेष्ठ र ओखलढुंगामा कृष्णबहादुर थापाको नेतृत्वमा नयाँ समिति बने ।

रास्वपाका अनुसार धनकुटा, उदयपुर, सोलुखुम्बु, खोटाङ र इलाममा भने आज आइतबार अधिवेशन भइरहेको छ । पाँचथरको अधिवेशनको मिति तय गरिएको छैन ।